面虎不服氣地哼了一聲。
「超！你都唔好得邊?咋，連洪興嗰條唔起眼嘅阿山雞都可以騎到你頭，仲爭D俾班躝癱掟入清水灣...」
被點破狼狽之事，金毛虎羞憤地說不出話。
「乜咁嘈喧巴閉，當我透明?！」駱駝敲打桌子呵斥：「都呢個時勢仲要鬼打鬼，係咪想激死我至安樂？大家同一條水，平時成日同你哋講要團結一致都係左耳入右耳出，唔怪得要蝕抵！」
笑面虎馬上賠笑：「阿大唔使勞氣，我哋講笑啫。」
雷耀揚適時挑起話頭：「阿大，灣仔嗰個廖成剛同我幾friend下」
「廖成剛...我有聽過下，就係打死差佬但係無罪釋放嗰個太子剛？」駱駝曾在報刊和電視新聞上了解到，此案可謂沸沸揚揚，只是後來無故被壓下了關註度。
「你哋知唔知？佢老竇廖啟恒係香港股票大鱷，之前喺英國留學嗰陣同而家律政司入面一D高官係同學嚟，關係唔惹小。廖成剛D遊艇salon同會所，去得嘅人都係非富即貴嘅大孖沙。」
「ICAC，O記，皇氣都唔係一塊鐵板，如果可以打通佢嘅關係，我哋就有機會可以開拓多條生意line。」
「蔣天生係個猛料嚟，不過佢同洪興有掣肘，得個屯門清一色執到大旗之外，其他地頭都有我哋陀地，唔係唔可以插旗...」
駱駝目光矍鑠，點點頭：「揚仔，既然你有呢層關係可以幫到社團，咁我哋一定全力撐你啦。」
「唔好咁講，為社團做嘢係應該嘅。係我人手同場地有限，如果阿大對我有信心，我希望...」
話音未落，駱駝擡手打斷：「都係自己人使乜有咁多顧慮，想要乜直接開聲，我話事啫。」
其余幾人看穿了他的企圖，低著頭避開目光。
雷耀揚看向烏鴉，眼裏閃過一絲淡淡的狡黠，泰然地開口要了烏鴉在尖沙咀和荃灣的三個娛樂場，數量不多，但都是吸金多客的所在地。
這個雷耀揚從剛才裝到現在，原來就是為了打自己場子的主意，烏鴉自然不答應那麽肥厚的著數拱手讓給他，一口回絕。
「雷耀揚你隻手真係伸得長下，風頭出到嚟我度。」
奔雷虎也不急，又對駱駝說：「好啦，既然烏鴉唔肯，我諗都唔好勉強啦，咁其他人」
烏鴉極度不爽：「你D骨場、芬蘭浴、車行仲有三仔四仔D生意未夠你忙？」
駱駝深思熟慮後下了決定：「天雄，今次俾面阿大。」
「唔係嘛阿大，佢擺到明係食住我。」
東星舉足輕重的摣數人數落起他：「烏鴉，你同洪興甘子泰、靚仔南D牙齒印都未拆掂，平時無端端就要D兄弟受罪，人哋三日唔埋兩日就嚟攪事，不如將嗰幾個場交俾耀揚睇啦，搭通晒天際線咁就天下太平。」
「嚯，古惑倫你好嘢，條友俾咗幾多著數你，你都幫佢講嘢？」
一直沒有開口的五虎之首擒龍虎司徒浩南發聲：「石硤尾嗰單嘢死咗幾件？你死都要同靚仔南開片，結果呢，我再俾幾多靚你都頂唔順你咁樣打，阿大過大壽嗰日你又屎忽痕，夾硬走去惹蔣天生條女，江湖講人情嘅，唔係打打殺殺...鬼串無倫，俾人打死多過病死啊。」
烏鴉鬼眉皺起，暴戾之色溢於言表：「好啊，而家句句頂心杉，個個都窒住我啦吓話？」
駱駝起身，一手摟住他肩膀：「耀揚呢幾年為社團做咗唔少嘢，既然可以為東星出力嘅，對大家都有著數，唔使咁計較嗰D得失。」
烏鴉忍住沒發作，吸了一口長氣：「得，我就俾面阿大，雷耀揚，你識得大孖沙你咪大晒囉，鍾意就攞去，你同我記住，呢啲係我烏鴉送俾你嘅。」
他吊兒郎當站起來：「呢度烏蠅咁多，阿大我去出面吹下風。」
雷耀揚得逞了，烏鴉這小子在他眼裏就是欠治，勾心鬥角那麽久這次總算扳回一局。
駱駝在柯士甸訂了隆景茶樓吃飯，他特地讓烏鴉坐上自己的車前往。
見他不開心，駱駝問：「你嬲阿大吖嘛？」
烏鴉閉著眼睛，懶洋洋地說：「我點敢咧~」，然後手臂被駱駝拍打了一下。
「你都咁大個人嘞，人哋話你幾句就黑口黑面，成個細路咁」
他知道烏鴉在壓力下被迫交出陀地心中鬱悶，安慰道：「耀揚話晒都係文龍踢入字頭嘅，有D嘢就住咪算數囉。嗰三個場就暫時交俾佢先，阿大一手帶大你，幾時有虧待過你？」
「家陣人哋都睇佢台戲，你話我可以點？」
「你咪婆婆媽媽，佢啱啱紮棍底嗰陣，你同佢撘晒膊頭，稱兄道弟?，做乜而家攪成咁？」
烏鴉其實明白駱駝一向偏愛自己，可這回雷耀揚占了那麽大的便宜，實在讓他大為惱火。
「我聽講你黑市拳條水呢期撈得好掂，係咪真嘅先？」
「我都係隨便玩下?啫，你知我最鍾意打拳撈金。」
「仲係嗰個阿何勇啊？」