「不过……Er……」我仲系犹豫不决。「我地……两个……」
「点呀？你惊我食左你呀？当陪下我散心，好无？」Samantha问道。讲真，
以Samantha呢种战斗格来说，我系惊的，仲要一齐去旅行，虽然，大家无Promis
e过会有甚么甚么……但系……但系大家睇得我呢个Blog，就梗系知道呢个世界
系无咁顺摊的啦，我天生辛苦命，唔通真系去个旅行咁简单啦……唉……
「最多我比埋你机票食宿。」Samantha说。
「唔好，梗系唔使啦……」我说，讲真，莫讲话去转泰国，就算去转欧洲，
要我请埋Samantha我都豪得起，只要那个女生系我喜欢的话。Samantha呢？我会
请的，其中一个原因，系，佢系我个客……
「就咁决定，呢个月尾礼拜五六日一，你同Pam姐请好假，其他Booking等我
来！」Samantha豪气地说。
「咁其他使费我包啦！」我不好意思地说。
「你话点就点，An。」Samantha说。呢个女人，始终都系咁有趣，首先会
跟你企硬，然后比番少少位你落台。
「咁你可以成个Trip都不在我面前食烟吗？」我问道。
「我戒左了。」Samantha说。
「甚么？！戒左？你？」我惊讶地问道。我跟Samantha没有发展甚么的原因，
是我不喜欢女人食烟，而偏偏她是个烟铲。
「当你的对手是个O靓模，你就要好好保养自己。」无错，女人食烟，个样
老十年。
「所以我最近肥了一点，对波亦大了一个Cup。」Samantha很直接地说。
唉……
回到公司，我立即申请假期，以我呢D职位的员工，有甚么事都可以推给下
属去做，上面仲有个女上司Pam姐锡住我，帮我顶住，我其实是成个月唔返工都
无问题的，所以，假期好快就批好了。同一时间，Samantha亦都将她Book好了的
机票酒店资料发了给我，我当然二话不说，就将所有行程Print了出来，作好准
备。
我做好手上的东西，发好了几个Email，将几个原本下个星期要开的会议改
了期之后，就走到影印机那里拿回那些Print-Out。在影印机旁，站着一个女同
事，是Catherine。
「哥哥你要放假去旅行？」Catherine问道，她手上拿着的，就是我的机票
和酒点预订资料。
「系呀，唔得呀？」我问道。
「唔系唔得，不过，我未去过泰国，我都好想去。」Catherine说，「同埋，
你同边个去？」
「我……关你乜事？」我没好气地说。这时，我看着Catherine的眼神，好
委屈的，实在是有种我见犹怜的样子，Ohno，我伤害了她吗？
「好吧，唔理你！」Catherine说完放下我的Printout在影印机上便走了。
我呆站在原地，心中有点过意不去。
晚上，临训前，我好肚饿，煮了一个公仔面，正当我吃得起劲的时候，电话
传来一个讯息：「衰哥哥，我都去苏梅岛，仲Book埋你同一间Resort！」传来讯
息的，是Catherine。
「What～～？？？」唔系嘛……
「而且，我仲有个Girlfriend同我一齐去添！」Catherine说。
边……边个？！